Mid ka mid ah Shaqaalaha Turkiga ee ka howlgala qunsuliyada Sweden ku leedahay magaalada Izmir ee galbeedka dalka Turkiga ayaa dhaawac halis ah uu ka soo gaaray toogasho ka dhacday afaafka hore ee dhismaha qunsuliyada, sida ay sheegtay warbaahinta dowladda ee TRT.
Booliska ayaa baaraya dhacdadan, ayay raacisay.
Wasaaradda arrimaha dibadda ee Sweden ayaan si degdeg ah uga hadlin dhacdadan.
Xafiiska gudoomiyaha deegaanka ayaa sheegay in weerarka uu fuliyay qof “maskaxda ka xanuunsan” oo ku sugnaa degmada Konak ee Izmir.
Qofka la dhaawacmay oo ah Haweeney xoghaye ka ahayd xafiiska diblomaasiyadda ayaa xaaladeeda caafimaad ay aad u liidataa
Maamulka Turkiga ayaa gacanta ku dhigay ninkii dilka geystay oo watay qoriga waxayna bilaabeen baaritaan la xiriira dhacdada, sida uu sheegay xafiiska guddoomiyaha.
Qunsuliyadaha sharafta leh waxay matalaan danaha muwaadiniintooda dibadda laakiin ma maamulaan diblomaasiyiin xirfad leh.
