Iyadoo lagu guda jiro todobaadka dabaaldega sanad guurada 25-aad ee Aasaaskii Puntland, Madaxweynaha Dowladda Puntland Mudane Siciid Cabdullaahi Deni, wuxuu Daah-furay mashaariic fara badan.
Deni ayaa xariga ka jaray Dhismaha Xarunta Machadka Tababarada Shaqaalaha Dowladda Puntland.
Madaxweynaha Puntland Mudane Siciid Cabdullaahi Deni ayaa sidoo kale wuxuu Xariga ka jaray dhismaha cusub ee Xarunta Sirdoonka Puntland (PISA), Dhismaha cusub ee Xarunta dhexe ee Wasaaradda Waxbarashada Puntland.
Deni wuxuu sidoo kale Xariga ka jaray dhismeyaasha cusub ee lagu kordhiyey Xarunta dhexe ee Wasaaradda Maaliyadda Puntland, iyo xarunta dhexe ee cusub ee Garsoorka Dowladda Puntland.
Xarunta cusub ee dakhliga Wasaaradda Maaliyadda Dowladda Puntland ayaa sidoo ka mid ahaa xarumaha uu maanta xariga ka jaray Madaxweynaha Puntland Mudane Siciid Cabdullaahi Deni.
Mashaariicdan cusub ee lagu soo beegay sanad guurada 25-aad ee Aasaaskii Puntland ayaa waxaa ku baxay malaayiin Dolar sida laga soo xigtay masuuliyiin ka tirsan madaxtooyada Puntland.
