Qarax saakay jugtiisa laga maqlay qeybo kamid ah degmooyinka waqooyi ee gobolka Banaadir ayaa ka dhacay isgooska Bayxaani ee degmada Shibis, waxaana faah faahino kasoo baxayaan qaraxaasi iyo waxa uu ahaa.
Sida aan wararka ku helnay qaraxa ayaa ahaa mid gaari nuuca loo yaqaan Surf lagu xiray, waxa uuna qarxay gaariga xilli uu baakin ku jiray lana sheegay in uu ka maqnaa qofkii gaarigaasi watay.
Ciidamada ammaanka ayaa xiray aaga uu saakay ka dhacay qaraxa gaariga lagu soo xiray, waxa ayna ciidamada halkaasi ka sameeyeen baaritaano aan la ogeyn ilaa hadda natiijada kasoo baxday.
Qaraxyada baabuurta hoosta looga soo xiro ayaa mararka qaar ka dhaca magaalada Muqdisho, qaraxyadan ayaana inta badan waxyeelo gaarsiiya darawalada wada gaadiidka hoosta looga soo xiro.,
