Kenya ayaa kumanaan askari soo dhoobtay xadka Somalia iyadoo ka jawaabeysa weerarada sii kordhaya ee Al-Shabaab ka geysato gobolka Waqooyi Bari dalkaas ee Soomaalidu degto.
Ciidamadan ayaa ka howlgalaya Gaarisa, Wajeer iyo Mandera oo ka wada tirsan gobolka Waqooyi Bari ee dalka Kenya si ay xoojiyaan amniga magaalooyinkaas iyo degaanada la xiriira
Masuuliyiinta Kenya  ayaa sheegay in ciidamadan ay ka qayb qaadanayaan sugidda amniga xuduudda iyo degaanada ku teedsan.
Shacabka gobolka woqooyi Bari Kenya ayaa loogu baaqay inay la shaqeeyaan ciidamada, lana wadaagaan xogaha ku saabsan meelaha ay joogaan Shabaab.
Wasiirka difaaca Kenya Aadan Barre Ducaale ayaa dhowaan balan qaaday inuu gobolka woqooyi bari kooxda Al-Shabaab ka sifeyn doono.
