Dowladda Kenya iyo mucaaradka ayaa isku raacay in la sameeyo guddi si hoose ugu xalliya khilaafaadkooda, kaddib toddobaadyo ay socdeen dibad baxyo rabshado wata oo dhibaato badan geystay
Guddiga isku dhafka ah ayaa ka koobnaan doona toban qof oo dhinac walba ay shan qof ka imaanayaan sida lagu sheegay War saxaafadeed ka soo baxay labada isbahaysi ee siyaasadda
Dib u habeyn lagu sameeyo guddiga doorashada, iyo in xafiis rasmi ah loo sameeyo hoggaamiyaha mucaaradka, Raila Odinga ayaa ka mid ah waxyaabaha laga wada hadlayo.
Raila Odinga ayaa diiday inuu aqbalo sharcinimada madaxweyne William Ruto, isagoo ku andacoonaya in doorashadii ugu dambeysay wax la is daba mariyey.
Rabshadaha ka dhacay dalka Kenya todobaadyadii la soo dhaafay oo ay wadeen dad taabacsan Mucaaradka ayaa lagu diidanaa sicir barar iyo canshuur kordhin ay sameysay dowlada, waxaana banaanbaxyadaas oo rabshado watay ka dhashay dhibaatooyin badan.
