Madaxa shirkadda baraha bulshada ee Meta, Mark Zuckerberg, ayaa sheegay in shabakada cusub ee baraha bulshada ee Threads, ay lumisay in ka badan kala bar dadkii sameestay ee isticmaali lahaa.
Shabakadan oo la furay horraantii bishan July ayaa shirkadda Meta ugu tala gashay in ay kula tartanto barta Twitter-ka, waxa ayna maalmo gudahood Threads ku kasbatay boqol milyan oo isticmaale.
Madaxa shirkadda Meta Mark Zuckerberg, ayaa qoraal uu soo saaray ku qiray in tirada dadkii sameestay ee isticmaalayay Threads ay hadda hoos u dhacday, waxa uuna muujiyay walaaca ay arrintan ku reebtay.
Waxa uu sheegay in heerka sii hayntu aanu ahayn mid fiican oo lagu sii kalsoonaan karo, waxa uuna Mark Zuckerberg sheegay in hadda habab cusub oo casri ah lagu soo daray bartaas ayna rajeenayaan in dad badan kusoo biiraan.
Shabkaadan cusub ee Threads ayaa horey ula kulmay dhaleeceyn xooggan oo ku saabsan shaqeynta xaddidan, tusaale ahaan qoraallada la soo bandhigay iyo waxa ku jira ee la heli karo.
Xafiiska Shabakada Allbanaadir.com
Muqdisho Somalia
Allbanaadir@live.com
