Dhinacyadii isku maandhaafsanaa siyaasadda gobolka Gedo ee Soomaaliya ayaa sheegay inay khilaafkii dhexdooda yaallay ay heshiis ka gaadheen
Madaxweyne ku-xigeenka Dowladda Jubbaland mudane Maxamuud Sayid Aadan ayaa maanta degmada Doolow kulan kula qaatay Gudoomiyihii hore ee Gobolka Gedo Axmed Buulle Gareed iyo Siyaasiyiin kale oo ka horjeeday maamulka Jubbaland.
Kulankan waxaa goob joog ka ahaa Xildhibaano ka tirsan Baarlamaanka Jamhuuriyadda Federaalka Soomaaliya, Xubno ka tirsan galaha Wasiirada iyo Golaha Wakiilada Jubbaland, Maamulka Gobolka Gedo, Kan degmada Doolow iyo masuuliyiin kale.
Dhinacyada ayaa si wadajir ah u sheegay in wadahadal lagu xaliyay khilaafkaasi oo soo jiitamayay illaa xiligii dowladii Madaxweyne Farmaajo.
Madaxweyne ku xigeenka Dowlada Jubaland Mudane maxamuud Sayid Aadan iyo wafdiga uu hogaaminayo ayaa maanta gaaray Degmada Beledxaawo ee Gobolka Gedo.
Wafdiga Madaxweyne ku xigeenka oo ay kamid yihiin masuuliyiin katirsan golayaasha kala duwan ee heer federaal iyo heer Jubaland ayaa Waxaa Beledxaawo kusoo dhaweeyay qeybaha kala duwan ee bulshada iyo maamulka Degmada.
