Guddoomiyaha Golaha Shacabka Baarlamaanka Jamhuuriyadda Federaalka Soomaaliya ahna Ku-simaha Madaxweynaha JFS Mudane Sheekh Aadan Maxamed Nuur (Madoobe) ayaa maanta xafiiskiisa ku qaabilay Ergeyga u qaabilsan howlgalka Midowga Afrika ee Soomaaliya Amb. Souef Mohammed El-Amnie.
Danjiraha oo marka hore ka tacsiyeeyay askartii ku shahiiday weerarkii al-shabaab ku soo qaadeen Xerada Tababarka Ciidanka Jaalle Siyaad ee magalada Muqdisho.
Danjire Souef Mohammed El-Amnie ayaa Guddoomiyaha warbixin ka siiyay shaqada ATMIS halka ay mareeyso iyo dagaalka lagula jiro Al-shabaab.
Sidoo kale kulanka waxaa danjiraha ku wehlinayay taliyaha cusub ee Ciidamada Howlgalka nabad Ilaalinta Midowga Afrika ee Soomaaliya Gen. Sam.
Ku-simaha Madaxweynaha JFS Mudane Sheekh Aadan Maxamed Nuur (Madoobe) ayaa uga mahad celiyey Midowga Afrika dedaalka uu ugu jiro xoojinta nabada iyo dowladnimada Somalia.
