Laba qof ayaa maanta safaaradda Ciraaq ee caasimadda dalka Denmark ku hor gubay nuqul ka mid ah kitaabka Quraanka Kariimka.
Talaabadan ayaa sii xumeyn karta xiriirka u dhexeeya labada dal.
Raggan ayaa ka socday koox isku magacawday Wadaniyiinta Denmark oo sameeyay mudaharaad kan la mid ah toddobaadkii hore, isla markaana si toos ah falkooda uga tabinayey baraha bulshada.
Labada nin ayaa sidoo kale goobta ku gubay calanka Ciraaq.
Koox xagjir ah oo kasoo jeeda Denmark oo lagu magacaabo Dansik Patriot ayaa baahiyey muuqaal nin gubaya wax u muuqday Qur’aanka isla markaana ku tumanaya calanka Ciraaq.
Wasaarada arimaha dibada dalka Ciraaq ayaa sheegtay in dowlada Ciraaq ay cambaareysay talaabadii Quraan gubista ee ka dhacday safaarada ay Ciraaq ku leedahay dalka Denmark sida ay baahisay Wakaaladda wararka ee Ciraaq (INA)
Ciraaq ayaa dhowaan xiriirka u jartay dowlada Sweden ka dib markii nin Ciraaqi ah oo heysta diinta masiixiga uu Kitaabka quraanka ku gubay caasimada Stockholm.
