Guddiga komishinka doorashooyinka maamulka Somaliland ayaa soo saaray jadwalka doorashooyinka xisbiyada qaran ee Somaliland iyo sidoo kale doorashada madaxweynaha iyo kuxigeenkiisa.
Qoraal ay soo saareen guddiga komishinka doorashooyinka Somaliland ayaa lagu shaaciyay in doorashada xisbiyada la qabanayo 28-ka December ee sanadkaan 2023-ka, halka doorashada Madaxweynaha iyo Ku-xigeenkiisa la qabanayo 13-ka November 2024-ka.
Jadwalkan doorashada ay soo saareen komishinka doorashada Somaliland ayaan la ogeyn sida ay u aqbali doonaan xisbiyada mucaaradka, kuwaa oo horey u doonayay in doorashada madaxweynaha iyo kuxigenkiisa lasoo hormariyo.
