Dhulgariir cabirkiisu dhan yahay 7.4 ayaa ku dhuftay xeebaha Jasiiradda Alaska ee dalka Mareykanka, iyadoo digniin laga saaray tsunami.
Dhulgariirkan cabirkiisa lagu qiyaasay 7.4 ayaa ku dhuftay gobolka Alaska subaxnimadii hore ee saaka, sida ay sheegtay hay’adda sahanka dhulka ee Maraykanka (USGS).
Nidaamka Digniinta Tsunami ee Mareykanka ayaa soo saaray digniin sunami ah oo loogu talagalay gobollada Pacific-ga ee ku yaal meel u dhow dhulgariirka.
Dhul-gariirku wuxuu ahaa mid aan gabbasho lahayn, wuxuuna ku dhacay qoto dheer 9.3 km (5.78 mayl), sdida ay sheegtay hay’adda sahanka dhulka ee Maraykanka.
“Xeebaha kale ee Maraykanka iyo Kanada ee Baasifigga ee Waqooyiga Ameerika, heerka khatarta sunamida ayaa la qiimeeynayaa” ayaa lagu yiri qoraal ka soo baxay Xarunta qaran ee digniinta Tsunami oo ay soo xigatay wakaalada wararka ee AFP.
Bishii Maarso 1964 waxaa gobolka Alaska ku dhuftay dhulgariirkii ugu xoogganaa ee abid laga diiwaan geliyo Waqooyiga Ameerika, kaasoo kiciyay tsunami ku dhuftay Gacanka Alaska, xeebta galbeed ee Mareykanka iyo Hawaii. Dhulgariirkii 1964kii iyo tsunamigii xigay ayaa dilay in ka badan 250 qof.
