Waxaa xalay la sameeyay isku aadka dalalka Afrika ee isreeb reebka koobka aduunka ee 2026, waxaana Soomaaliya ay gashay group-ka G.
Isreeb reebka cayaarahan oo socon doona muddo ku dhaw 2 sano ayaa dal kasta oo Afrika ah waxaa uu dheeli doonaa 10 cayaarood oo uu ugu loolamayo inuu u soo baxo ka qeyb galka kooba aduunka.
Soomaaliya waxey gashay Group G, waxeyna kula mideysan tahay shan wadan oo qiimeyn ahaan ka sarreeya dalkeena kuwaasoo kala ah:-
- Algeria
- Guinea
- Uganda
- Mozambique
- Botswana
- Somalia
Waxaa la ciyaari doonaa kulamo (Home-Away) ah, dal walba wuxuu ciyaari doonaa 10-kulan.
Lixdaan wadan kaliya waxaa laga rabaa inuu hal wadan kasoo baxo, si uu uga qeybgalo koobka Adduunka 2026.
Kulmada ugu horreeya ee guruubyada ayaa la cayaari doonaa inta u dhaxaysa 13-ka ilaa 21-ka bisha Novembar halka kulamada ugu dambeeyana la cayaari doono inta u dhaxaysa 6-da ilaa 14-ka bisha Oktoobar ee sanadka 2025-ka.
Jabuuti ayaa iyaduna ku jirta Group A, waxayna ku aadantahay waddamada kala ah Masar, Burkina Faso, Guinea-Bissau, Sierra Leone iyo Itoobiya. Waxayna haatan bilowday diyaargarowga kulamadaas.
Wadamada kaalmaha labaad kusoo baxo, 8 ka mid ah (9-ka Group) ayagana rajo (playoff) ah ayey ka qabaan ka qeybgalka.
Xafiiska Shabakada Allbanaadir.com
Muqdisho Somalia
Allbanaadir@live.com
