Ciidanka booliska Somalia ayaa gacanta ku soo dhigay rag ka tirsan kooxaha ciyaar weerada ka dib howlgal ay ka sameeyeen degmada Wadajir ee gobolka Banaadir.
Qoraal kooban oo ka soo baxay taliska Booliska gobolka Banaadir ayaa lagu sheegay in afar ka tirsan ciyaal weerada lagu soo qabtay howlgalkaas.
“10/7/2023 abaaro 5:20pm taliska qeybta guud ee boliiska gobolka banaadir gaar ahaa saldhiga boliiska wadajir ayaa gacan ku soo dhigay 4 eeseysane oo ka mid ah ciyaal weero” ayaa lagu yiri qoraalka Booliska
Sidoo kale qoraalka ayaa lagu sheegay in dhalinyaradan la hor geyn doono caddaalada ka dib marka lagu sameeyo baaritaano dheeraad ah.
Inkastoo kooxaha ciyaar weerada laga sifeeyey inta badan degmooyinkii ay ka jireen sida Kaaraan, Yaaqshiid, Wadajir iyo Dharkeynley haddana waxaa la soo sheegayaa in meelaha qaarkood ay weli dhibaatooyin ka wadaan.
