Hay’adda Nabadsugida iyo sirdoonka Qaranka Soomaaliya ayaa shaacisey in howlgal laga sameeyey Muqdisho lagu qabtay Xubno sare oo ka tirsan Al-Shabaab.
Sida lagu faafiyey Bogga twitter-ka ee Hayadda NISA Howlgal laga sameeyey xaafad ka tirsan degmada Dharkeynley ayaa lagu qabtay laba ka mid ah ragga dilalka u qaabilsan Al-Shabaab.
“19-ka Saptembar, 2018, ciidamada Amniga ayaa labo shakhsi oo Amniyaat-ka Alshabaab ka tirsan ka soo qabtay degmada Dharkeynley ee Magaalada Muqdusho. Howlgalka cidi wax kuma noqon. Nagu garab istaaga si aan u difaacno dhammaan shacabkeenna” ayaa lagu yiri qoraalka NISA.
Laguma sheegin warka magacyada shaqsiyaadka ka tirsan alshabaab iyo howsha ay u qaabilsanayeen kooxdan.
Taliska NISA ayaa maalmahan shaacinayey howlgalo isdaba joog ah oo ay sheegayaan in lagu soo qabtay shaqsiyaad ka tirsan Al-shabaab oo howlo qarsiidi ka waday xaafado ka tirsan Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
