Maxkamadda Ciidamada Qalabka sida ayaa saaka 15 sano oo xabsi ciidan ah ku xukuntay Yusuf Duqow Xuseen Dhicisow, oo lagu helay in uu katirsanaa kooxda Al Shabaab.
Ninkan ayaa maxkamadda ciidamada u sheegay in ii kooxda Al Shabaab kaga biiray deegaanka Buur-Eylo oo degmada Buur-Hakaba hoos tagta, waxa uu mushaar ahaan u qaadan jiray bishii Lacag dhan $70 ah.
Yuusuf Duqow ayaa Al Shabaan usoo wareejiyeen magaalada Muqdisho, waxaana la dejiyay guri kuyaalla xaafada Ceeltimir ee degmada Dayniile, waxaana ninkan loo xil saaray in uu Muqdisho ka fuliyo dilal iyo qaraxyo bambaanon
Ciidamada ammaanka ayaa 14kii May sannadkaan gacanta ku dhigay Yusuf Duqow, kaddib markii uu bambo ku tuuray  Waaxda Labaad ee degmada Hodan.
