Guddoomiyihii hore ee Somaliland u qaabilsanaa gobolka Gebiley, ayaa muuqaal uu soo duubay ku sheegay inuu isaga baxay maamulka Somaliland, kuna biiray xoogaga SSC
Cabdiqani Maxamuud Jiidhe ayaa sheegay inuu haatan ku sugan yahay deegaanka Kalabeydh oo koofur ka xiga magaalada Laascaanood ee gobolka Sool
“Safarkan waa mid aan idinku caddeynayo inaan ka baxay maamulkii Somaliland ee aan ka tirsanaa ee aan la shaqeynayay. Waan ogaa dadkeygu weligood ma taageersaneyn Somaliland,” ayuu yiri.
Wuxuu Somaliland ku eedeeyay inuu duqeyn ku hayso dadkiisa, oo uu kala jeedo dadka kasoo jeeda magaalada Laascaanood taasoo uu sheegay inuu u dulqaadan waayey.
Madaxweynaha Somaliland, Muuse Biixi Cabdi ayaa Bishii January sanadkii 2019 u magacaabay Cabdiqani Maxanuud Jiidhe guddoomiyaha gobolka Sool. hase ahaatee sanadkii 2021, ayuu Madaxweyne Biixi xilalka guddoomiyenimada u kala beddelay isaga iyo guddoomiyihii Gebiley dhowr bilood ka hor ayuu Madaxweyne Biixi xilka ka qaaday Cabdiqani Jiidhe.
Xafiiska Shabakada Allbanaadir.com
Muqdisho Somalia
Allbanaadir@live.com
