Ugu yaraan 22 qof ayaa ku dhintay tiro kalana waa ay ku dhaawacmeen weerar cirka ah oo ay ciidamada Suudaan ku qaadeen galbeedka xaafada Omdurman ee magaalada Khartuum sida ay sheegtay Wasaaradda Caafimaadka, iyadoo dagaalka u dhaxeeya kooxda RSF iyo militariga dalkaas uu galay todobaadkii 12-aad.
Xoghayaha guud ee Qaramada Midoobay António Guterres ayaa cambaareeyay weerarka cirka ee lagu soo waramayo in ay ku dhinteen ugu yaraan 22 qof oo ka dhacay Suudaan Sabtidii, sida lagu sheegay bayaan uu soo saaray afhayeen u hadlay
Xoghayaha guud ayaa sidoo kale aad uga naxay wararka sheegaya in rabshado waaweyn iyo khasaare ay ka dhaceen guud ahaan gobolka Daarfuur ee dalka Suudaan, sida uu hadalka u dhigay Farhan Haq oo ah ku xigeenkiisa.
“Waxa uu sidoo kale ka walaacsan yahay wararka sheegaya in dagaalku uu ka soo cusboonaaday Waqooyiga Kordofan, Koonfurta Kordofan iyo Gobolka Blue Nile. Waxaa jirta in gabi ahaanba la iska indho tiray sharciga bini’aadantinimada iyo xuquuqul insaanka taas oo ah khatar iyo wax laga xumaado,” ayay raacisay.
Guterres ayaa ku celceliyay baaqiisa ku aadan in Ciidamada Qalabka Sida ee Suudaan iyo kuwa ay iska soo horjeedaan ee RSF ay joojiyaan dagaalka ayna go’aansadaan inay miiska wadahadalka yimaadaan.
Dagaalladan oo aan ilaa hadda lagu guulaysan wax dadaal ah oo dhexdhexaadin ah, ayaa waxay khatar ku yihiin in ay dalka u horseedi doonaan dagaal sokeeye oo ballaaran, iyagoo soo jiidanaya jileyaal kale oo gudaha iyo dibaddaba ah oo ka socda waddanka Bariga Afrika ee u dhexeeya Geeska Afrika, Saaxil iyo Badda Cas.
Ugu yaraan 1,133 qof ayaa lagu dilay dagaalka tan iyo markii uu qarxay 15kii Apriil, sida ay sheegtay Wasaaradda caafimaadka dowladda federaalka, kaasoo ka qarxay caasimadda iyo gobollada Kordofan iyo Darfur, taasoo dhalisay rabshado isir ku saleysan oo ka dhacay galbeedka Darfur.
In ka badan 2.9 milyan oo qof ayaa ka cararay guryahooda, oo ay ku jiraan ku dhawaad 700,000 oo u qaxay dalalka deriska ah. In ka badan kala badh caasimadda ayaa leh
Waxay sidoo kale sababtay “tiro naxdin leh” oo kufsi iyo afduub loo geystay haween iyo gabdho, sida ay sheegeen hay’adaha gargaarka.
Dagaalku wuxuu diiradda saarayay Omdurman maalmihii la soo dhaafay, iyada oo qaybta galbeed ee magaaladu ay tahay waddo muhiim ah oo ay RSF-ta u tahay in ay gurmad ka keento Darfur oo ah saldhigga awoodda.
Ciidanka milateriga ayaa qoraal ay soo dhigeen Facebook ku sheegay in ciidamada sida gaarka ah u tababaran ay dileen 20 askari oo jabhado ah ayna burburiyeen hubkii ay wateen.
