Allbanaadir.com
NEWS

Hoyga Yevgeny Prigozhin oo laga helay Hub fara badan iyo Lacag xad-dhaaf ah (Sawirro)

Warbaahinta Izvestia ee taabacsan Dowladda Raashiya waxay shalay oo Arbaco ahayd bishan soo daabacday Sawiro iyo Muuqaalo Video ah oo la sheegay in laga soo qaaday Dhismaha uu Asaasihii Kooxda PMC Wagner, Yevgeny Prigozhin ka deganaa magaalladda Saint Petersburg.

Dhismahaasi oo ka kooban 2 Dabaq ayaa waxaa xoog ku galay xubno ka tirsan Ciiddanka Federalka Raashiya, iyagoo halkaasi ka sameeyey Baaritaan buuxa.

Warbaahinta Izvestia waxay qortay inay bishan July 5-dii heleen Sawirada iyo Muuqaalka laga soo duubay Hoyga iyo Xafiiska Madixii Kooxda PMC Wagner ee gadoodsanaa.

Alaabooyinka laga helay Dhismahaasi waxaa ka mid ah Hub fara badan, Dahab badan, Dhowr Baasaboor, Sanaadiiq ay ku jireen Lacag fara badan, Diyaarad Helikobtar ah, Weji-qariye (Maasgaro), Timo Macmal ah (Buruuko) iyo Qalab kale oo kala duwan.

Waxaa kale oo uu Dhismahaasi lahaa Garoon Diyaaradeed, Barkad lagu dabaasho, Goob Jir-dhiska iyo Jimicsiga iyo Qol u khaas ah Kulaylka iyo Diirimaadka iyo Qolka Daaweynta (A medical room).

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

(Sawirro) Booliiska Maraykanka oo qabtay ninkii toogtay saddex arday oo reer Falastiin ah

Caydiid Ali

Mareykanka oo qeylo dhaan kasoo saaray xad-gudubyo waa weyn oo ay geesaneyso dowladda Itoobiya

Cabdi Cade

Macbad ay leeyihiin Hinduuga oo laga dhisay Magaalada Dubai iyo caro ka dhalatay

Caydiid Ali
Taboola Ads ---