Taageerayaasha Isbahaysiga Mucaaradka Kenya ayaa maanta lagu wadaa inay dalkaasi ka dhigaan dibad-baxyo ballaaran oo ay uga soo horjeedaan dowlada.
Dibed baxa ayaa lagu diidan yahay sare u kaca maciishadda iyo sidoo kale sharcigii canshuur kordhinta dalkaasi ee uu madaxweyne Willim Ruto dhowaan saxiixay.
Amaanka caasimadda Nairobi ayaa aad loo adkeeyay, ayadoo Ciidamada booliskuna ay diideen in dibadbaxyo sharci darra ah lagu qabto caasimadda Naiorbi iyo magaalooyinka kale ee Kenya.
Ganacsatada Suuqa xaafada Soomaalida ee Islii- waxay sheegeen in ganacsigoodu uu furan yahay balse ay taxadarayaan iyagoo wadashaqeyn ka helaya laamaha amaanka Kenya.
Isbahaysiga Mucaaradka Kenya oo uu hogaamiyo Raila Odinga ayaa cadaadis ba’an ku haya dowlada tan iyo markii looga guuleystay doorashooyinkii Madaxweynaha ee dalkaas ka dhacay.
