Wararka ka imaanaya Waqooyiga magaalada Gaalkacyo ee maamulka Puntland ayaa sheegaya in kooxo toorey ku hubeesan xalay magaaladaasi ku dileen Wariye C/risaaq Siciid Cismaan oo ka howl galayay Idaacada Codka Nabada .
Kooxo toorey ku hubeesnaa oon heebtooda la garan ayaa xalay toorey ku weeraray Wariye C/risaaq Siciid Cismaan xili uu kasoo baxay goobtiisa shaqo, waxaana Wariyaha lagu dhuftay toorey sababay in markii dambe u geeriyoodo.
Ciidamada amaanka maamulka Puntland ayaa Waqooyiga magaalada Gaalkacyo kawada baaritaano ay ku baadi goobayaan kooxihii Wariyayaha dilay oo loo maleenayo in ay ahaayeen burcad.
Magaalada Gaalkacyo gaar ahaan Waqooyiga magaaladaasi ay maamusho Puntland ayaa mararka qaar waxaa ka dhaca dilal loo geesto dad shacabka iyo xubno katirsan maamulka Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
