Warbaahinta dalka Kenya ayaa baahisay dhacdo dad badan aad u layaabeen, kaddib markii nin 45 sanno jir ah uu is gubay isna dilay, isaga oo ka carreesnaa in xaaskiisa diiday in ay u karisi digaag ama dooro.
Booliiska dalka Kenya ayaa sheegay in ay baarayaan falkan uu isku dilay John Rugala oo 45-sanno jir ahaa, waxa ayna booliiska sheegeen in xogta hordhaca ah ay heleen tilmaameyso in ninkan xanaaq dartiis isku gubay.
“Ninka oo lagu magacaabo John Rugala ayaa isku soo xiray guriga ka hor inta uusan gubin. Waxaa lagu eedeeyay in xaasku ay diiday inay u kariso digaag,” ayuu yiri John Atanya oo kamid ah saraakiisha booliiska Kenya.
Ninkan ka carrooday in loo diiday in la qalo loona kariyo digaag ay gabadhiisa laheyd ayaa isku soo xiray qol kaddibna dab is qabadsiiyay, waxaana dadka deegaanka oo isku dayay in ay dabka damiyaan ku guul dareesteen badbaadinta ninkaasi.
Dhacdadan ayaana noqotay mid si weyn looga hadal hayo gudaha dalka Kenya ayna baahinayaan warbaahinta dalkaasi, waxaana dadkii dhacdadan maqlay uga falceliyeen siyaabo kala duwan.
