Maxkamadda ciidamada qalabka sida qeybteeda 60-aad, ayaa xukun dil ah ku ridey askari katirsanaa ciidanka booliiska maamulka Koonfur Galbeed, kaa oo lagu helay in nin shacab ah ku dilay magaalada Baydhabo .
Cabdullaahi Ibrahim Yarow ayaa maxkamadda ciidamada ku heshay in 3-dii bishii Juun ee sannadkan magaalada Baydhabo si kas ah ugu dilay nin dhallinyaro ah oo lagu magacaabayay Isgoowe Maxamed Aadan .
Ehelada marxuumka la dilay ayaa la sheegay in maxkamadda ciidamada qalabka sida ka codsadeen in loo qisaaso askariga katirsanaa ciidanka booliiska Koonfur Galbeed ee dilka u geestay wiilkooda.
Maxkamada ciidamada qalabka sida ayaana dhageysiga kiiskan kaddib , waxa ayna xukun dil ah ku riday Dable booliis Cabdullaahi Ibrahim Yarow Boorow, waxa ayna maxkamadda sheegtay in kiiskan uu ka furan yahay racfaan.
Xafiiska Shabakada Allbanaadir.com
Muqdisho Somalia
Allbanaadir@live.com
