Shil gaari oo sababay khasaaro badan oo isugu jira dhimasho iyo dhaawac ayaa xalay fiidkii ka dhacay magaalada Londiani ee galbeedka Kenya, waxaana shilkan sababay gaari xamuul oo koontaroolka ka lumay.
Warbaahinta Kenya ayaa ku warantay in shilkan uu sababay gaari nooca xamuulka qaada ah oo ka soo ambabaxay magaalada Nakuru kuna sii jeeday Kericho, kaas oo koontaroolku ka lumay xilli uu xowli ku socday.
Gaarigan ayaana jiiray dhowr baabuur oo kala ahaa Matatu,Gawaari gaar loo leeyahay iyo mootooyin, waxa uu sidoo kale gaarigan koontaroolka ka lumay uu jiiray dad lugeenayay goobta uu shilku ka dhacay.
Inta la xaqiijiyay shilkan gaari waxaa ku dhintay 48-qof , halka ay ku dhaawacmeen 20-qof dad ka badan ,kuwaa oo la sheegay in ay qaarkood qabaan dhaawacyo culus laguna daweenayo xarumaha caafimaadka.
Madaxweynaha dalka Kenya William Ruto ayaa sheegay in Kenya usoo hoyatay murugo weyn oo ka dhalatay shil bahalnimo ah oo ka dhacay magaalada Londiani, waxa uuna tacsi u diray dadkii shilkna ku dhintay ,halka uu caafimaad u rajeeyay kuwa dhaawacmay.
