Sida ay sheegayaan wararka naga soo gaaraya degmada Dhoobley ee gobolka Jubada hoose qarax weyn ayaa maanta lala eegtay ciidamo ka tirsan kuwa Kenya oo marayay degaan lagu magacaabo Taabta.
Qaraxa ayaa waxaa la sheegay in lala eegtay Gaari xamuul ah oo ay la socdeen kolonyo ka tirsan Ciidamada Kenya oo ku safrayay degaanka Taabto ee duleedka degmada Dhoobley.
Wararka qaar ayaa waxay sheegayaan in qaraxa uu haleelay gaariga ay wateen ciidamada Kenya uuna khasaaro xoog leh ka dhashay, inkastoo illaa iyo hadda aan la ogeyn tirakoobka rasmiga ah.
Goob joogayaal degaanka ka tirsan ayaa sheegaya in qaraxa ay maqleen, isla markaana ay arkeen kolonyo ka tirsan Ciidamada Kenya oo qaraxa lala eegtay.
Al-Shabaab ayaa sheegatay Masuuliyada qaraxa lala beegsaday ciidamada ka tirsan Kenya ee marayay degaanka Taabto balse aysan faahfaahin ka bixin qaraxaasi oo loo adeegsaday miino wadada lagu aasay.
Xafiiska Shabakada Allbanaadir.com
Muqdisho Somalia
Allbanaadir@live.com
