Booliska Magaalada Muqdisho ayaa soo bandhigay nin ka mid ahaa Al-shabaab oo ka tirsanaa rag shalay madaafiic ku weeraray garoonka Aadan cadde iyo nawaaxigiisa.
Qoraal ka soo baxay Booliska ayey ku sheegeen in ninkan ay horgeyn doonaan Maxkamada si cadaalada loo waafajiyo.
HOOS KA AKHRISO QORAALKA BOOLISKA
25-6-2023 abaaro 11:30 am, ayaa Khawaarijtu waxay weerar gantaalo macmal ah ku qal qal galiyeen shacabka caasimadda kuwaas oo aan wax dhibaato ah geysan.
Howlgal degdeg ah oo ay fuliyeen Ciidammada sugida amniga Caasimadda ayaa waxa ay gacanta ku soo dhigeen dhagarqabe hogaaminayay maleeshiyaadka weerarka soo qaaday, waxa uuna magaciisa ku sheegay Xuseen Cali Deerow Buule baaris kadibna waxaa la horgeyndoonaa Maxkamada Awooda u leh.
Sidookale, ciidamadu waxay ka hortageen gantaalo rakiban oo aan wali labridin, waxaana qantaaladii lagu burburiyay goobta halka baaris ay ku socoto dhagarqabihii la soo qabtay.
