Xildhibaan Ilyaas Sheekh Axmed oo ka tirsan Golaha Shacabka baarlamanka Somalia ayaa ka hadlay xiisadda siyaasadeed ee ka taagan gobolka Hiiraan, taasoo ka dhalatay xil ka qaadista guddoomiye Cali Jeyte Cusmaan lagu sameeyey.
Waxaa uu taageeray Xilka  qaadista lagu sameeyey Cali Jeyte, isagoo ugu baaqay inuu u hogaansamo wareegtada xilka looga qaaday, kuna wareejiyo masuuliyada gobolka masuulka cusub ee la magacaabay.
Xildhibaan Ilyaas Sheekh Axmed ayaa Cali Jeyte ku eedeeyay inuu diiday qorshaha mideynta canshuurta gobolka Hiiraan iyo maamulka HirShabeelle, taasina ay tahay sababta looga qaaday xilka.
HOOS KA AKHRISO QORAALKA XILDHIBAANKA
Baroorta Orgiga kawayn!
Gudoomiye Cali Jayte boor iskuqariska iska jooji. Waxa la isku heeysto waa in la mideeyo Canshuurta Gobalka Hiiraan & dabcan guud ahaan Canshuurta Dowladda Hirshabelle.
Waxaan la soconaa in dadaalo badan lagu bixiyay sidii loo mideeyn lahaa Canshuurta Gobalka Hiiraan lakin nasiibdaro uu is hor-istaag ku sameeyay Gudoomiye Cali Jayte. Khilaafkuna uu halkaas salka ku hayo ee dhanka kale ee loo jiheeynayo oo dad waynaha lagu kicinayo uusan jirin!âĤwaa meeshaas halka boor isku qarisku uu ka jiro.
Waxaan kula talinayaa Gudoomiye Cali Jayte in sharaftii & sumcadii uu ku kasbaday halgankii naf-hurnimada lahaa ee Soomaali oo dhan ay sharaf ugu heeyso in uusan maanta god dheer oo mugdi ah ku ridinâĤwali caymasho ayay leedahay ee ka gaar. Waa dhaqan aan kuu habooneeyn in Dowladii shalay ku siisay sharciyada Gudoomiye laguugu yeerayo in aad maanta ku soo duusho!.
Canahuurta Gobalka Hiiraan iyo guud ahaan Canshuurta Dowladda Hirshabelle in la mideeyo oo ay ku dhacdo hal santuuq (Single Treasury Account) sida Maamul Gobaleeyada kale oo ay ugu dhowdahay Galmudug oo daris la ah Hirshabelle ayaa dan u ah Dowladnimada la barbaarinayo.
