Haweeneyda Ra’isul wasaaraha ka ah dalka Bangladesh, Shiikha Xasiina Sheekh Mujiibul Raxmaan waxay hadiyad aan caadi ahayn ka heshay Lamaane Beeraley ah oo lagu kala magacaabo Bulbul Ahmed iyo Ishrat Jahan.
Afhayeenka Xafiiska Ra’isul-wasaaraha (PMO Spokesman) ayaa sheegay inay Qoyskaasi ugu deeqeen RW Shiikha Xasiina neef Dibi ah oo ay ugu tala-galeen Ciidda Udxiyah ee fooda nagu soo haysto.
Sida laga soo xigtay Xafiiska RW Xasiina, WADA uu Kaaliyaheeda Khaaska, Moshiur Rahman Humayun ku wargeliyey hadiyada loogu yaboohay.
Dhanka kale, Ku-xigeenka Xoghayaha Warfaafinta ee Xafiiska Ra’isul-wasaaraha, Hasan Jahid Tusher ayaa sheegay inay Shiikha Xasiina u mahad celisay Lamaanaha Beeraleyda ee Bulbul Ahmed iyo xaaskiisa Ishrat Jahan ee ugu yaboohay Dibiga Udxiyada.
Waxayna uga mahad celisay hadiyadaasi, iyadoo lagu qiyaasay Hilibka Neefkaasi inuu dhan yahay 800 oo Kiilogaraam.
Dhanka kale, Ra’isul-wasaaraha dalka Bangladesh, Shiikha Xasiina waxay Lamaanaha ka codsatay in Dibiga ku sii hayaan Gurigooda, ilaa la qali doono Maalinta Koowaad ee Ciiddul-Adxa, si loogu qeybiyeen Qoysaska saboolka iyo kuwa aan Taageerada haysanin ee ku nool Deegaankooda.
W/QUstaad Nuradin Abuukar
