Guddoomiyihii Golaha wakiilladda maamulka Somaliland Cabdirisaaq Khaliif Axmed, oo ku sugan magaalada Laascaanood ee xarunta gobolka Sool ayaa shaaciyay in uu iska casilay xilkii guddoomiyaha golaha Wakiiladda Somaliland.
Guddoomiye Cabdirisaaq ayaa warbaahinta u sheegay in uu iska casilay xilkii guddoomiyaha golaha wakiiladda, kursigii xildhibaannimo uu ku fadhiyay iyo sidoo kale xubannimadii xisbiga Waddani uu katirsanaa.
Siyaasigan ayaa magaalada Hargeysa uga soo tagay sidii uu xal ugu raadin lahaa colaada magaalada Laascaanood, waxa uuna ku guul dareestay dedaalo uu waday, isagoona ugu dambeyn go’aansaday in uu iska casilo xilkii uu hayay .
Is casilaada guddoomiyaha golaha wakiiladda Somaliland Cabdirisaaq Khaliif ayaa kusoo aadeysa xilli maalmo kahor xeer ilaalinta Somaliland golaha wakiiadda u gudbisay in la laalo xubinnimadiisa golaha wakiilladda , kaddib markii lagu eedeeyay in uu jabiyay dastuurka u degsan maamulka Somaliland.
