Maamulka Gobolka Banaadir oo Awaamiir dhanka Amniga ah kasoo saaray Gawaarida dadweynaha ee Mooto Bajaajta, Basaska B-L, iyo Gawaarida raaxada iyo kuwa ay istecmaalaan Mas’uuliyiinta.
Go’aanada cusub oo ka soo baxay Maamulka gobolka Banaadir ayaa lagu faray dhammaan gaadiidka nuucyadiisa ee bulshada adeegsato inaysan qaadi Karin Askar hubeysan nooc kasta uu yahay iyo hay’ad kasta oo uu ka tirsan yahay.
Afhayeenka Maamulka gobolka Banaadir Saalax dheere ayaa sheegay in ciddii ka dhego adeegta amarkan lala tiigsan doono sharciga.
Gaadiidka ay wataan Masuuliyiin ayaa mar kale maamulku ku war galiyay inay u hoggaansamaan awaamirta lagu sugayo ammaanka isla markaana ay ogolaadaan in baraha ciidamadu joogaan lagu hubiyo si ammaanka loo xaqiijiyo.
Talaabadan ayaa timid xili ay soo baxayaan in raggii habeen hore weerarka ka geystay maqaayad ku taalla Liido ay halkaas ku tageen mootooyinka bajaajka iyo gaadiid kale oo nooca raaxada ah.
