Faahfaahin ayaa ka soo baxeysa qarax ka dhacay gantaal iyo warshad laga sameeyo walxaha qarxa oo ku taalla dalka Turkiga kaasoo sababay in dhismo uu soo dumo, waxaana ku dhintay dhammaan shantii shaqaale ee ku sugnaa gudaha, sida uu sheegay sarkaal.
Qaraxan ayaa dhacay abaare 8:45 subaxnimo ee sabtidii shalay ayaa ka dhacay xarunta ay dowladda leedahay oo ku taalla duleedka caasimadda Ankara, sida uu warbaahinta u sheegay Maayorka magaalada Vasip Sahin.
Sahin waxa uu sheegay in ay u badan tahay in qaraxu uu ka dhashay fal-celin kiimikaad ah intii lagu jiray soo saarista dynamite. Dacwad oogayaasha ayaa bilaabay baaritaan rasmi ah, ayuu yiri.
Waxaa la arkayay qiic cirro leh oo ka baxayay xarunta iyadoo gaadiidka gurmadka deg deg ah iyo kuwa dab damiska ay ku yaaceen goobta, sida uu sheegay telefishinka gaarka loo leeyahay ee NTV.
Wararka ayaa intaa ku daraya in dukaamada iyo daaqadaha guryaha ee ku yaalay hareeraha ay burbureen xooga qaraxa. Xubnaha qoyska ayaa u yaacay xarunta si ay warka eheladooda u helaan.
