Madaxweynaha Galmudug Mudane Axmed Cabdi Kaariye (Qoorqoor) oo wehliyo Wasiirka Wasaaradda Waxbrashada Dowladda Galmudug ayaa xarigga ka jaray dhismaha cusub ee Wasaaradda Waxbarashada Hiddaha iyo Tacliinta Sare.
Xaruntan oo si carsi ah loo dhisay, loona qalabeeyey ayaa laga hirgeliyey magaalada Dhuusamareeb ee caasimada Galmudug
Munaasabadda xarig jarka waxaa ka soo qayb galay xildhibaanno ka tirsan Dowladda Federaalka ee Soomaaliya, mudanayaal ka tirsan labada gole ee Dowladda Galmudug.
Madaxweynaha Galmudug Mudane Axmed Cabdi Kaariye (Qoorqoor) ayaa ku soo wareegay xarunta cusub ee Wasaaradda Waxbarashada Hiddaha iyo Tacliinta Sare iyo qeybaha ay ka kooban tahay.
Qoorqoor ayaa ugu hambalyeeyey masuuliyiinta Wasaarada dhismahan cusub, isagoo xusay inuu muujinayo ama calaamad u yahay sida Maamulka Galmudug uga go’an tahay dardar gelinta horumarinta Waxbarashada degaanadaas.
