Ciidanka Nabad sugidda iyo Sirdoonka maamulka Jubbaland iyo Ururka 5-aad ee ciidanka kumaandooska ee Danab ayaa howlgal qorsheysan ka sameeyay degaanno Al Shabaab kaga sugnaayeen duleedka magaalada Kismaayo.
Ciidamada huwanta ah ayaa howlgal ka sameeyay deegaannada Kaamjaroon, Yaaq Xalul, Kaliil, Buriyow, Buulo Xaaji iyo Yaaq-bishaaro oo dhammaantood ka wada tirsan gobolka Jubbada Hoose.
Sida aan wararka ku helnay deegaannadan ciidamada tageen qaarkood waxaa ku sugnaa dagaalyahanno katirsanaa Al Shabaab ,kuwaa oo goobta isaga cararay kaddib markii ay heleen xogta ciidamada deegaannadaasi kusoo wajahnaa.
Ciidamada nabad sugida Jubbaland iyo kuwa Danab ayaana bur buriyay fariisimihii Al Shabaab ku lahaayeen deegaannada ay tageen, waxa ayna ciidamada shacabka uga digeen in ay la shaqeeyaan kooxda Al Shabaab.
