Guddoomiye Ku-xigeenka Arrimaha Bulshada iyo Wacyigelinta Maamulka Gobolka Banaadir Mudane Cabdicasiis Cismaan Maxamed oo uu wehliyo Taliyaha Ciidanka Booliska Soomaaliyeed Sareeye Guuuto, Sulub Axmed Firin, Taliyaha Qeybta Guud iyo Agaasimaha Guud ee Agaasinka Waxbarashada Gobolka Banaadir ayaa xarunta Jaamacada Ummadda kula dabaal-dagay kumanaan ardey oo maanta usoo idlaaday Imtixaanka Fasalka 8 ee sanad dugiayeedk 2022 – 2023.
Imtixaankan oo uu horey u daah-furay Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa waxaa u fariistay 31,688-Arday oo ka kala socday 76-xarumood iyo 1,592 fasal oo dhamaantood ka mid ah dugsiyada Gobolka Banaadir.
Hamsami u socodka Imtixaanka inta uu socday waxaa Maamulaayay Guddiga Imtixaanka Gobolka Banaadir iyadoona Amniga ay sugayeen Ciidanka Booliska Soomaaliyeed.
Ardayda imtixaanka u dhamaaday ayaa muujiyay farxad iyo rajo ku aadan guul in ay ka gaaraan Imtixaanka, iyagoona sawiro la galay masuuliyiintii goobta timid.
Madaxda ayaa dhamaan ardaydii imtixaanka u soo idlaaday u rajeeyay in ay noqdaan kuwo guulo wax ku ool ah keena.
