Madaxweynaha Puntland Mudane Siciid Cabdullaahi Deni, ayaa kormeeray Garoonka Kubadda Cagta ee Boosaaso oo dhismaha ku socda uu meel wanaagsan marayo.
Garoonka ayaa laga dhigayaa mid cagaaran oo u dhisan si heer caalami ah.
Deni ayaa u kuurgalay sida uu dhismaha Garoonku u socdo, qeybaha kala duwan garoonka ayuu booqday wuxuuna warbixin ka dhegaystay Masuuliyiinta iyo Shirkada gacanta ku haysa Dhismaha Garoonka.
Waxaa uu kula dardaarmay in shaqada la dardargeliyo maadaama ay Dowladdu muhiimad gaar ah siinayso Dhismaha Garoonka oo ay baahi weyn u qabto Bulshada Boosaaso gaar ahaan dhallinyarada.
Dhinaca kale, Deni ayaa sidoo kale kormeeray Hotel Casri ah oo laga dhisayo Airport-ka Boosaaso, Kaasoo dhismihiisa meel wanaagsan marayo.
Madaxweynaha ayaa warbixin ka dhegaystay Injineerada iyo Masuuliyiinta dhisaysa Hoteelkn oo qeyb ka qaadan doona maalgashiga Boosaaso, iyo in ay magaaladu yeelato Hoteel casri ah oo la jaanqaadaya Adduunka intiisa kale.
Xafiiska Shabakada Allbanaadir.com
Muqdisho Somalia
Allbanaadir@live.com
