Madaxweynaha Dowlad goboleedka Koonfur Galbeed Soomaaliya Mudane Cabdicasiis Xassan Maxamed Laftagareen ayaa qaabilay Saraakiisha Guutada 9-aad Qeybta 60-aad ee Ciidanka xoogga dalka.
Laftagareen ayaa kala hadlay saraakiishan u diyaar garowga bilaabashada wajiga 2-aad ee Dagaallada Dalka lagaga xoreynayo Al-shabaab
Kulanka ayaa ka dhacay Degmada Xudur ee xarunta Gobolka Bakool oo uu labadii maalin ee la soo dhaafay ku sugnaa Madaxweynaha Koonfur Galbeed.
Dhinaca kale, Madaxweynaha Dowlada Koonfur Galbeed Mudane Cabdicasiis Xasan Maxamed Laftagareen ayaa kulan looga hadlayey Dardargelinta Xureynta Degmooyinka Tiyeeglow iyo Rabdhuure la qaatay Qeybaha kala duwan Bulshada kasoo jeeda Degmooyinka Rabdhuure iyo Tiyeeglow ee ku nool Magaalada Xudur.
Madaxweyne Laftagareen ayaa sheegay in socdaalkiisa Magaalada Xudur inuu ku qotomo Dardargelin Wajiga 2-aad ee Dagaalka al-shabaab, Dhagax-dhiga Mashaariic kala duwan iyo U kuuragelida Baahiyaha Bulshada.
Xafiiska Shabakada Allbanaadir.com
Muqdisho Somalia
Allbanaadir@live.com
