Waxaa beri oo Sabti ah lagu wadaa in xildhibaannada golaha shacabka ee baarlamaanka federaalka la horgeeyo ,muddo kororsiga la qorsheeyay in loo sameeyay muddo xileedka madaxweynaha iyo baarlamaanka federaalka.
Xildhibaannada golaha shacabka ayaa lagu wargaliyay in beri jiro kulan aan caadi aheyn oo xildhibaannada loogu qeybinayo mooshinka wax ka badalka mudo xileedka Madaxweynaha iyo golaha baarlamaanka.
Madaxweynaha Soomaaliya Xasan Sheekh iyo guddoonka labada Aqal ee baarlamaanka ayaa la isla gartay in la sameeyo muddo kororsi muddo sannad ah, waxaana guddoonka labada Aqal laga dalbaday in xildhibaanada mooshinkaasi ka meel mariyaan.
Shirkii golaha Wadataiga Qaran ee dhawwaan Muqdisho kusoo dhammaaday ayaa la isku raacay in muddo xileedka madaxweynaha iyo baarlamaanka noqdaan muddo shan sanno ah, waxaa sidoo kale iyana muddo sannad ah loogu daray madaxda maamulada.
Madaxweynaha talada Soomaaliya hadda haya ee Xasan Sheekh Maxamuud ayaa horey uga soo horjeeday muddo kororsi uu damacsanaa madaxweyne hore Farmaajo, waxaana hadda Xasan Sheekh uu rabaa muddo kororosigii uu diidanaa in uuba xilli hore sameesto.
Xafiiska Shabakada Allbanaadir.com
Muqdisho Somalia
Allbanaadir@live.com
