Madaxweynaha Hirshabeelle Mudane Cali Guudlaawe Xuseen iyo Wafdi uu hogaaminayo oo safar shaqo ugu maqnaa Magaalada Muqdisho ayaa maanta dib ugu laabtay Magaalada Jowhar ee Caasimada maamulka Hirshabeelle.
Madaxweynaha waxaa Garoonka Diyaaradaha ee Maxamed Dheere kusoo dhoweeyay Kusimaha Gudoomiyaha Baarlamaanka ahna Gudoomiye Ku Xigeenka Baarlamaanka Hirshabeelle Mudane Mahad Xasan Cusmaan, Wasiiro Xildhibaano, Maamulka Gobolka, kan Degmada Jowhar iyo Saraakiisha Ciidamada Amniga.
Madaxweyne Cali Guudlaawe ayaa Magaalada Muqdisho uga qeybgalay Shirkii 6aad ee Golaha Wadatashiga Qaran oo looga heshiiyay dardargalinta wajiga labaad ee lagu ciribtirayo kooxda Al Shabaab iyo hanaanka doorashooyinka.
