Al Shabaab ayaa baahisay sawirrada gaadiid nuuca dagaalka ah iyo hub kala duwan ay ku qabsadeen weerarkii xooganaa ee shalay subax ku qaadeen deegaanka Masagaway ee gobolka Galgaduud.
Kooxda Al Shabaab ayaana soo bandhigtay shan gaari oo nuuca loo yaqaan Cabdi Bilaha oo ay ku xiran yihiin qoryaha dhashiikaha, iyo sidoo kale gaari weyn oo nuuca saadka qaada ah ay sheegeen in dagaalka ku qabsadeen.
Waxa ay sidoo kale kooxdan soo bandhigeen meydadka askar katirsan ciidanka dowladda oo ay sheegeen in ay ku dileen weerarkii Masagaway, waxa ay sidoo kale soo bandhigeemn sawirrada xeradii weerarka ku qaadeen.
Dowladda Soomaaliya ayaa dhankeeda shalay shaaciyay in weerarkii Al Shabaab ku qaadeen Masagaway la fashiliyay , waxa ayna dowladda sheegtay in Al Shabaab laga dilay sodomeeyo dagaalyahanan kana qabsadeen gaadiid dagaal.
Xafiiska Shabakada Allbanaadir.com
Muqdisho Somalia
Allbanaadir@live.com
