Guddoomiyaha golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo uu wehliyo Madaxweynaha Koonfur Galbeed ayaa maanta dhagax dhigay dekadda caasimadda KGS ee Baraawe.
Sheekh Aadan Madoobe ayaa bulshada reer Koonfur Galbeed ugu baaqay in ay maal gashtaan deegaannadooda, gaar ka ahaan dadka ka soo jeeda Gobolka Shabeellaha Hoose oo gobol barwaqao ah oo u baahan maal-gashi.
Guddoomiyaha golaha Shacabka ayaa xusay dadka degaanka looga baahan yahay in ay dib ugu soo noqdaan Baraawe ayna maal gashtaan, waxa uu sidoo kale ugu baaqay in ay qeyb ka noqdaan ka shaqeyta amniga oo hormuud u ah kobaca dhaqaalaha ee dalka.
Magaalada Baraawe ee caasimadda rasmiga u ah maamulka Koonfur Galbeed ayaa leh dekad weyn, waxaana marar badan maamulka Koonfur Galbeed sheegeen in dib loo howlgalinayo dekadda magaaladaasi si ay il dhaqaale ugu noqoto gobolka Sh.Hoose.
Xafiiska Shabakada Allbanaadir.com
Muqdisho Somalia
Allbanaadir@live.com
