Taliyaha Ciidanka Boliiska Soomaaliyeed, Sareeye Guuto. Sulub Axmed Firin, ayaa la kulmay Saraakiisha Ciidamada Amaanka ee Howlgalka Ciiltire. Isla markaana, ka howlgala Amniga Caasimada.
Ujeedka kulanka ayaa ahaa Sidii loo dardar galin lahaa Sugida Amniga Caasimada. Maadaama, mudooyinkii dambe uu ka socday howlgalka Ciiltire ee la dagaalanka Khawarijta, Burcada hubeysan iyo Maandooriyaha.
Saraakiisha ayaa looga dhageystay meesha uu marayo hirgalinta Xeerka Xakameynta Hubka Caasimada iyo dadaalada Howlgalka Ciiltire, Maamulka Gobolka Banaadir, ayaa ka mahadceliyay sida shaqadu u socoto, dadkana loogu adeegayo.
Ugu dambeyn, taliyaha ayaa bogaadiyay kuna dhiirigaliyay Saraakiisha gudashada waajibaadka Sugida Amniga iyo Amaanada Imtixaanaadka Qaran, wuxuuna kula dardaarmay iney dedaalkooda sii xoojiyaan.
Amaanka magaalada Muqdisho ayaa mudooyinkan soo hagaagayey ka dib markii ciidamada amaanku ay xoojiyeen howlgalada lagu sugayo amaanka, waxaana hoos u dhacay, qaraxyada, dilalka, Ciyaal weerada iyo burcada dhaca u geysta shacabka.
Xafiiska Shabakada Allbanaadir.com
Muqdisho Somalia
Allbanaadir@live.com
