Maamulka Somaliland ayaa xabsi kuyaala magaalada Hargeysa waxa ay kasii deysay xoghayihii Ra’iisul wasaare ku-xigeenka Soomaaliya Cabdiqani Yaasiin Maxamed oo mudo ka badan labo isbuuc u xirnaa maamulka Somaliland.
Xeer ilaaliyaha guud ee Maamulka Somaliland ayaa xaqiijiyay in xabsiga laga sii daayay Xoghayihii Ra’isul Wasaare kuxigeenka Soomaaliya, waxa uuna xusay Xeer ilaaliyaha in Cabdiqani maanta usoo musaafuriyeen magaalada Muqdisho.
Xafiiska Xeer ilaalinta Maamulka Somaliland ayaa sheegay in sababta loo xiray xoghayaha Xafiiska Ra’isul Wasaaraha ay tahay in si dhuumaaleysi ah kusoo galay magaalada Hargeysa lagana war helay markii dambe.
Maamulka Somaliland ayaa horey deegaanadeeda uga mamnuucday dadka katirsan dowlada Federaalka Soomaaliya, waxaana deegaanada Somaliland horey loogu xiray dad ka tagay Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
