Taliye xigeenka ciidanka booliiska Soomaliyeed, S/Guuto. Cusmaan Cabdulahi Maxamed (Kaniif) iyo Saraakiil kale oo booliiska katirsan ah ayaa garoonka diyaaradaha Adan Cadde ee Muqdisho ku soo dhaweeyey saraakiil katirsan booliiska gaarka ah ee Ozil Harakat .
Saraakiishan katirsan booliiska gaarka ah ee dalka Turkiga Ozil Harakat ayaa kulan la qaatay taliye kuxigeenka ciidanka booliiska iyo saraakiil kale, waxa ayna kala hadleen xoojinta xiriirka labada ciidan.
Saraakiishan katirsan booliiska Turkiga ee Muqdisho yimid ayaa booqday xarunta taliska ciidanka booliiska sida gaarka ah u tababaran ee Haram oo ay tababareen sidoo kale qalabeen dowladda Turkiga.
Xubnahan katirsan booliiska gaarka ah ee Ozil Harakat ayaa magaalada Muqdisho booqasho dhowr maalmood ah ku joogi doona, waxa ayna la kulmi doonaan saraakiil katirsan ciidanka booliiska Soomaaliya.
Saraakiisha Turkiga ee Muqdisho ayaa waxaa hoggaaminayay taliyaha ciidamada Ozil Harakat, Selami TÜRKER Özel , waxaana safarka ku wehlinayay saraakiil kale oo booliiskan u qaabilsan arrimaha dibadda.
Xafiiska Shabakada Allbanaadir.com
Muqdisho Somalia
Allbanaadir@live.com
