Mataano u dhashay dalka Syria waxay shalay gaareen caasimadda dalka Sacuudiga ee Riyadh, si qaliin loogu kala waaxeeyo , waxaana gacan weyn ka geesanaya qaliinkan hay’ado Sacuudiga kuyaalla.
Diyaarad adeeg caafimaad leh oo ay leedahay Sacuudiga ayaa lagu geeyay Riyadh Mataanahan isku dhegan iyo Waalidkooda, waxaana mataanahan laga soo qaaday caasimadda dalka Turkiye ee Ankara.
Mataanahan isku dhegan oo lagu kala magacaabo Exsaan iyo Basaam ayaa waxay shalay ka degeen Garoonka Caalamiga ee Diyaaradaha ee King Khalid international Airport ee magaalladda Riyadh.
Carruurta waxaa loo gudbiyey isbitaalka Takhasusiga Carruurta ee King Abdullah Specialised Children’s Hospital, halkaasi oo ay dhakhaatiirta ku daraasayn doonaan xaallada Carruurta iyo suurtogalnimada hawlgal qaliin oo lagu kala waaxayn karo.
Boqorka Sacuudiga, Salman Bin C/Casiis Ala-Sacuud iyo wiilkiisa Dhaxal-suge Maxamed Bin Salman ayaa taageera Barnaamijka lagu kala waaxeeyo mataanayaasha isku dhegan ee la geeyay Sacuudiga.
Muqdisho Somalia
Allbanaadir@live.com
