Kooxda Al-shabaab ayaa shaacisay magaca iyo qabiilka uu ka soo jeedo ninkii maalmo ka hor qaraxa ismiidaaminta ah ka fuliyey xarunta degmada Howlwadaag ee magaalada Muqdisho
Magaca ninka isqarxiyey ayey al-shabaab ku sheegtay C/qaadir Cabdullaahi Xaaji Maxed (Malaaq) oo ka soo jeeda Beesha Leysaan ee degta degaanada Koonfur galbeed Soomaaliya.
Wuxuu sanadkii 1417-kii ku dhashay deegaanka Daaru-Salaam ee hoostaga degmada Saakoow ee wilaayada Jubooyinka, halkaas oo uu ku soo barbaaray kuna soo qaatay noloshii hore ee yaraantiisa.
Idaacada andalus ee ku hadasha codka Al-Shabaab ayaa baahisay cod laga duubay ninkan oo sheegaya inuu weerarka ismiidaaminta ah ee uu fuliyey uu ugu dhawaanayo, kuna raali gelinayo ILAAHAY.
Ku dhowaad 10 qof ayaa ku dhintay weerarkan kuwaasoo isugu jiray askar iyo dad shacab ah oo ay ku jiraan caruur wax ka baraneysay dugsi quraan, qaar kalena wey ku dhaawacmeen, waxaana burburay guud ahana xafiisyadii maamulka degmada H/wadaag.
Xafiiska Shabakada Allbanaadir.com
Muqdisho Somalia
Allbanaadir@live.com
