Qarax gaari ayaa galabta ka dhacay magaalada Muqdisho gaar ahaan isgoyska Ex-kontrol Afgooye kaasoo geystay khasaare nafeed.
Wararka ayaa sheegaya in qaraxan uu yimid ka dib markii gaari uu lahaa askari ka tirsan ciidamada dowlada uu ku qarxay agagaarka Ex-kontrol Afgooye.
Goob joogayaal ayaa sheegaya in gaarigan qaraxa lagu xiray uu ku dhaawacmay askarigii watay oo loola cararay goobaha caafimaadka.
Askariga ayaa la sheegay in qaraxa uu ka soo gaaray dhaawac culus, uuna ku waayey qaraxaas mid ka mid ah lugihiisa.
Ciidamada amaanka ayaa gaaray goobtaas kuwaasoo howlgalo kooban ka sameeyey degaanka Ex-kontrol Afgooye ee duleedka magaalada Muqdisho.
Qaraxyada gaadiidka loogu xiro shaqsiyaadka la doonayo in la qaarajiyo ayaa marar badan ka dhacay magaalada Muqdisho iyo qeybo kale oo dalka ka mid ah, waxaana lagu dilay dad kala duwan oo isugu jira Wasiiro hore, Xildhibaano, Saraakiil, Ciidamo, Shaqaale dowladeed iyo dad kale oo shacab ah, waxaana inta badan masuuliyadooda sheegtay Al-Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
