Xafiiska Hantidhawrka Guud ee Qaranka ayaa soo saaray war-gelin ku aaddan dib usoo celinta gaadiidka iyo hantida kale ee hay’adaha dowladda ee masuuliyiinta kala duwan marka xilal loo dhiibo lagu wareejiyo si ay waajibaadkooda shaqo ugu gutaan.
Qoraal kasoo baxay xafiiska Hantidhawrka Guud ee Qaranka ayaa loogu sheegay masuuliyada hay’addaha dowladda marka ay shaqada ka tagayaan in ay dib usoo celiyaan gaadiidka iyo hantida kale ee dowladda horey u siisay.
Sidoo kale, waxaa hay’adaha Dowladda lagu war-geliyay in laga doonayo in ay magaca hay’adda ku diiwaan-galiyaan hantida iyo gaadiidka, taa badalkeeda ay mamnuuc tahay in lagu diiwaan-geliyo magac qof gaar ah.
Xafiiska Hantidhowraha Qaranka ayaa horey usoo saaray ammar ku socda masuuliyiin horey xilal uga soo qabtay dowladda oo horey usii qaatay gaadiid iyo agab kale oo dowladdu leedahay , kuwaa oo la faray in ay dib usoo celiyaan.
Xafiiska Shabakada Allbanaadir.com
Muqdisho Somalia
Allbanaadir@live.com
