Sida ay sheegayaan wararka naga soo gaaraya duleedka Magaalada Muqdisho gaar ahaan degaanka Siinka dheer waxaa saaka waabirigii hore lagu arkay halkaas maydka nin dhalinayro oo ka lusha mid ka mid baaleyaasha korontada degaankaasi oo ay leedahay shirkadda korontada BECO.
Qaar ka mid ah dadka degaanka ayaa sheegay in aysan garaneyn ninkan oo sida la maleynayo galinkii danbe ee xalay fuulay Baalahan korontadu ku qabsatay.
Lama oga in ninkan uu ka mid ahaa Shaqaallaha Shirkadda Korontada ee baalahan iska leh iyo inuu ahaa tuug doonayay inuu Baalaha qalab ka furto.
Maamulka degaanka ayaa soo gaaray goobta, waxaana baalaha ay ka soo dejiyeen Meydka ruuxaasi dhalinyaradda ah, waxaana socda baaritaano la xiriira waxa uu ahaa ninkan dhalinyarada iyo sababta keentay inuu baalahan fuulo.
Xafiiska Shabakada Allbanaadir.com
Muqdisho Somalia
Allbanaadir@live.com
