Turkiga ayaa u jiheystey doorasho ku celis ah kadib markii madaxweyne Recep Tayyip Erdogan iyo ninka ay doorashada isku hayaan Kemal Kilicdaroglu midkoodna uusan helin aqlabiyadda codadka doorashadii Axadda.
Erdogan, oo 69 jir ah, soona xukumayey dalkaas 20 sano, ahna hoggaamiyihii ugu muddada dheeraa ee dalkaas, ayaa soo bandhigay natiijo ka wanaagsan sidii la filayay.
Iyadoo in ka badan 96% sanaadiiqda cod bixinta la tiriyay, Erdogan ayaa ku hogaaminayay 49.44% halka Kilicdaroglu uu helay 44.86%. sida ay sheegtay wakaalada wararka ee Anadolu.
Guddiga sare ee doorashada ayaa sheegay in doorashada ku celiska ah aan la hubin, maadaama in ka badan codadka 3.4 milyan ee cod-bixiyaasha ee ku nool dibadda ay weli u baahan yihiin in la tiriyo.
Isagoo taageerayaashiisa kula hadlayay magaalada Ankara, Erdogan ayaa sheegay inuu weli guuleysan karo balse uu ixtiraamayo go’aanka qaranka haddii tartanka uu u dhaco wareeg labaad laba toddobaad gudahood.
“Weli ma garanayno in doorashadu ku dhammaatay wareegii koowaad. Haddii qarankeenu uu doortay wareeg labaad, taasi sidoo kale waa soo dhaweynayaa, “Erdogan ayaa yiri subaxnimadii saaka isagoo xusay in codadka muwaadiniinta Turkiga ee ku nool dibadda ay weli u baahan yihiin in la tiriyo. Waxa uu helay 60% codadka dibadda 2018.
Doorashada sanadkan ayaa inta badan xuddun u ahayd arrimaha gudaha sida dhaqaalaha, xuquuqda madaniga ah iyo dhulgariir bishii Febraayo ay ku dhinteen in ka badan 50,000 oo qof..
Iyadoo tirinta aan rasmiga ahayn ay ku dhowdahay in la dhammeeyo, taageerada codbixiyayaasha ee qofka xilka haya ayaa hoos uga dhacday aqlabiyadda looga baahan yahay inuu si toos ah ugu guuleysto doorashada.
Sharciga Doorashada dalkaas ayaa dhigaya in musharaxa guuleysta laga rabo inuu helo %51 iyo ka badan codadka la dhiibtay, inkastoo Erdogan uu codad badan ka horeeyo musharaxa mucaaradka haddana weli ma gaarin codadkii loo baahnaa si uu guuleysto.
“Waxaan gabi ahaanba ku guuleysan doonaa wareega labaad … waxaana keeni doonaa dimoqraadiyad” Kilicdaroglu, 74, oo ah musharaxa isbahaysiga lix xisbi, ayaa yiri, isagoo ku doodaya in Erdogan uu lumiyay kalsoonida qaran hadda dalbanaya isbeddel.
Maamulka doorashada Turkiga, guddiga sare ee doorashada, ayaa sheegay in ay nambaro siinayaan xisbiyada siyaasadda ee tartamaya “si degdeg ah” ayna natiijada soo bandhigi doonaan marka la dhammeeyo tirinta iyo dhameystirka.
Inta badan codadkii laga dhiibtay 3.4 milyan ee xaqa u lahaa in dibeda ku codeeyaan ayaa wali u baahan in la tiriyo, sida ay sheegeen guddiga, lamana xaqiijin doorashada ku celiska ah ee 28-ka May.
Howard Eissenstat, oo ah borofisar ku-xigeenka taariikhda Bariga Dhexe iyo siyaasadda ee Jaamacadda St. Lawrence ee New York, ayaa sheegay in Erdogan ay u badan tahay inuu faa’iido u leeyahay doorashada ku celiska ah sababtoo ah xisbiga madaxweynaha ayaa laga yaabaa inuu si fiican u qabto doorashada baarlamaanka ee sidoo kale la qabtay Axaddii. Codbixiyayaashu ma rabaan “dawlad qaybsan,” ayuu yiri.
Erdogan ayaa Turkiga u xukumayay ra’iisul wasaare ama madaxweyne ilaa 2003dii. Doorashada ka hor.
Musharaxa Kilicdaroglu ee xisbiga Jamhuuriga ee cilmaaniga taageersan, ama CHP, ayaa ku murmay tirooyinka bilowga ah ee ay baahisay wakaalada Anadolu, iyaga oo ku doodaya in wakaaladda ay dawladdu maamusho ay u xaglinaysay xagga Erodgan.
Omer Celik, oo ah af hayeenka cadaalada iyo horumarka Erdogan, ama AK, xisbiga, ayaa isna ku eedeeyay mucaaradka “isku day lagu dilayo rabitaanka qaranka.
Xafiiska Shabakada Allbanaadir.com
Muqdisho Somalia
Allbanaadir@live.com
