Dowladaha Sacuudiga iyo Imaaraadka ayaa ugu dambeyn qirtay iney fuliyeen duqeyn bus iskuul oo bishii la soo dhaafay ka dhacday dalka Yemen oo ay ku dhinteen 51 ruux oo 40 ka mid ah caruur ay caruur ahaayeen.
Khubaro xulufada sacuudigu u xil saareen baaritaanka ayaa maanta sheegay in duqeyn 9-kii bishii hore ee August ka dhacday gobolka Sacda ay aheyd mid qaldantay.
La taliye dhanka sharciga oo ka tirsan kooxda loo xilsaaray baaritaankan Mansour Ahmed al-Mansour ayaa sheegay in lala xisaabtami doono duuliyeyaashii ka dambeeyay weerarkaasi.
Afhayeenka xulufada Sacuudiga ee dagaalka ka wada Yemen Col. Turki Al-Malki ayaa horey u difaacay weerarkan lagu laayey caruurta, waxaana uu sheegay inay beegsadeen goobo milateri.
Baaritaankaan ayaa waxaa uu ku soo aadayaa kadib markii hey’adaha u dooda xuquuqda aadanaha iyo xoghayaha guud ee qaramada  Midoobay  Antonio Guterres ay si wadajir ah u cambaareeyeen weerarkaas.
Xulufada Sacuudiga ayaa lagu eedeeyey iney kumanaan shacab ah ku dileen duqeymaha ay ka wadeen dalka Yemen sanadihii la soo dhaafay, iyagoo la dagaalamaya kooxda xuuthiyiinta shiicada ah ee iran ay taageerto.
Xafiiska Shabakada Allbanaadir.com
Muqdisho Somalia
Allbanaadir@live.com
