Madaxweyne ku-xigeenka Puntland Axmed Cilmi Cismaan Karaash ayaa sheegay in marna aysan dadka reer SSC ee dagaalka kula jira Somaliland garab istaag ka filayn ra’iisul wasaare Xamse Cabdi Barre.
Qoraal kooban oo uu soo saaray madaxweyne ku xigeenka Puntland ayuu ku sheegay in ra’iisul wasaare Xamse uu halganka SSC warbaahinta u soo mariyay hadallo aysan ku farxin
Karaash ayaa sidoo kale tilmaamay in hadalkan uu warbaahinta mariyay ra’iisul wasaare Xamse aanu waxba ka beddeli doonin mowqifka SSC iyo halgankooda.
“Xamse awalba garab istaag kamay filayn Shacabka reer SSC ee loo Xasuuqayo Midnimada Ummada Soomaaliyeed, inuu hadalo noocaas ah oo ka fiirsasho la’aan ah Warbaahinta usoo mariyo waxba kama bedeli doonto mawqifkooda iyo halganka ay ku jiraan toona. Isagana waxay dani ugu jirtaa inuu iskaga aamusnaado sidii looga bartay” ayuu yiri Axmed Karaash.
Puntland ayaa horey marar badan ugu eedeysay madaxda DF iney hiiladii laga filaayey u muujinin shacabka iyo xoogaga SSC ee magaalada Laascaanood kula dagaalamaya mudada 2 bilood ka badan ciidamada Somaliland.
Xafiiska Shabakada Allbanaadir.com
Muqdisho Somalia
Allbanaadir@live.com
